Дапаможам птушкам перазімаваць
З мэтай выхавання паважлівых адносін да ўнікальнасці кожнай жывой істоты выхавацелямі І.П. Глебка, Л.В. Каштанавай, Н.Д. Коласавай распрацавана і рэалізавана акцыя “Дапаможам птушкам перазіваць”.
Лес нерухома стаіць за сялом,
Рэчка замоўкла пад тоўстым ільдом,
Птушкам знайсці зараз ежу цяжэй.
- Дзеці! Змайструйце кармушкі хутчэй!
Зерне насыплем – хай птушкі дзяўбуць,
Песню ўдзячную нам прапяюць.
Алесь Ставер
У ходзе акцыі разам з бацькамі выхаванцаў было змайстравана 14 кармушак з рознага матэрыялу, якія размясцілі на тэрыторыі дзіцячага сада і ў бліжайшым парку. Актыўны ўдзел і творчасць праявілі бацькі Капілец М, Сямёнаў В., Гукаў Дз., Карчэня С., Вайцяхоўскі А. Іх кармушкі – як казачныя церамкі!
Час, праведзены дзецьмі на прыродзе, стаў для іх маленькім святам: дзеці частавалі птушак прыгатаванымі ласункамі, расказвалі аб іх вершы і разгадвалі загадкі.
Акцыя “Дапаможам птушкам перазіваць” – гэта яшчэ адзін крок для фарміравання ў дзяцей станоўчых адносін да навакольнага свету, пачуцця любові да роднага краю, імкнення быць добрымі і ўважлівымі, любіць і аберагаць прыроду.
Як адбывалася гэтае свята - глядзіце ў альбоме "Дапаможам птушкам перазімаваць".
